विराटनगर । संस्थागत विद्यालय बचत तथा ऋण सहकारी संस्था (एसबीएससी) मोरङको आयोजनामा विराटनगरमा ‘एसबीएससी चित्रकला’ प्रतियोगिता हुने भएको छ । प्रजातन्त्र दिवसको अवसर पारेर शनिबार विराटनगरस्थित पोलस्टार बोर्डिङ स्कूलमा एसबीएससी चित्रकला प्रतियोगिता गर्ने भएको हो ।
विद्यालयहरुमा भएको प्रतिभा उजागर गर्ने उद्देश्यले आयोजना गरिने प्रतियोगितामा मोरङ जिल्ला भरीका १ सय संस्थागत विद्यालयका १५० भन्दा बढी विद्यार्थीहरूको सहभागि हुने संस्थागत विद्यालय बचत तथा ऋण सहकारी संस्था मोरङका अध्यक्ष मोहन बुढाथोकीले जानकारी दिए । प्रतियोगितामा प्रथम हुने विद्यार्थीलाई ५ हजार, द्धितीयलाई तीन, तृतीयलाई दुई हजार र सान्तवना हुनेलाई ५ सय रुपैयाँ रहेको छ । एसबीएससीले प्रत्येक वर्ष प्रजातन्त्र दिवसको अवसर पारेर चित्रकला प्रतियोगिता गर्दै आएको छ । यस वर्ष हुने चित्रलकला प्रतियोगिता पनि भव्य र सभ्य तरिकाले गरिने अध्यक्ष बुढाथोकीले बताए ।
