काठमाडौं । इजिप्ट र सेनेगल अफ्रिका कप अफ नेसन्सको सेमिफाइनलमा प्रवेश गरेका छन् ।
गएराति भएको खेलमा अतिरिक्त समयमा इजिप्टले मोरक्कोलाई पराजित गरेको हो ।
पहिलो ६ मिनेटमै पाएको पेनाल्टीमा बोफालको गोलबाट मोरक्कोले सुरुवाति अग्रता लिएको थियो । तर ५३औँ मिनेटमा मोहम्मद सालहले इजिप्टका लागि बराबरी गोल गरे ।
अतिरिक्त समयमा धकेलिएको खेलमा इजिप्टका लागि १००औँ मिनेटमा महमुद अहमेद इब्राहिम हसनले गोल गरेर इजिप्टलाई जित दिलाएका हुन् । यस्तै, गएराति नै भएको अर्को खेलमा इक्वेटोरियल गिनीलाई ३–१ गोल अन्तरले हराउँदै सेनेगल सेमिफाइनलमा प्रवेश गरेको छ ।
सेनेगलका लागि फामरा डाइडेउ, चिखोउ कौयाट र मिस्माइला सारले एक(एक गोल गरे भने इक्वेटोरियल गिनीका लागि जानिक बुयलाले एक गोल गरे ।
