विराटनगर । बैङ्किङ कसुर मुद्दामा फरार भएका एक युवकलाई प्रहरीले पक्राउ गरेको छ । पक्राउ पर्नेमा धरान १३ का ३८ वर्षीय मुन्ना थापा रहेका छन् ।
उनलाई उच्च अदालत विराटनगरले मिति २०७६र०१र१६ गतेको गरेको फैसला अनुसार थापालाई १ वर्ष ६ महिना कैद र चार लाख पचास हजार सात सय छैसठ्ठी रुपैयाँ जरिवाना तोकिएको थियो ।
सजाय र जरिवाना नतिरि हाल सम्म फरार रहँदै आएका थापालाई १ नं प्रदेश प्रहरी कार्यालयबाट खटिएको प्रहरी टोलीले आज बिहान पक्राउ गरेको हो।
पक्राउ परेका थापालाई सुनसरी जिल्ला अदालतमा उपस्थित गराई कैद भुक्तानको लागी आजै कारागार चलान गरेको प्रहरीले जानकारी दिएको छ।
