विराटनगर । माघे संक्रान्तीको अवसरमा संखुवासभामा चौथो आङ्बुरा कप सेभेन ए साईड पुरुष तथा महिला खुल्ला फुटबल प्रतियोगिता हुनेभएको छ । जिल्लाको धर्मदेवि नगरपालिका वडा न.७ को आयोजनामा हुन गैरहेको प्रतियोगिता पुस २६ गतेबाट माघ एक गते सम्म संचालन हुनेछ । प्रतियोगितामा पुरुषतर्फको बिजेता हुने टिमले नगद ७५ हजार र उपबिजेता हुनेले टिमले नगद ४० हजार सहित कप,मेडल र प्रमाणपत्र प्राप्त गर्नेछन् ।
साथै प्रत्येक दिनको खेलमा मेन अफ द म्याच,उत्कृष्ट खेलाडी ,उत्कृष्ट डिफेन्डर, उत्कृष्ट किपर र उच्च गोलकर्तालाई नगद पु्रस्कारको व्यवस्था गरिएको आयोजकले जनाएको छ । त्यस्तै महिलातर्फको खेलमा बिजेता हुने टिमले नगद १० हजार र उपबिजेता हुने टिमले नगद ६ हजार सहित सहित कप,मेडल र प्रमाणपत्र प्राप्त गर्नेछन् ।
पुरुष फुटबलमा आयोजक न्यु युवा क्लब सहित मिर्मिरे क्लब , हाङ्थुम क्लब, आर बि एस
एघार बसन्तपुर, दाजुभाइ स्पोर्टिङ क्लब उर्लाबारी , विराट स्पोर्ट एकेडेमी विराटनगर, नाईन स्टार क्लब मुडे, सुभाङ्मा फुटबल क्लब चिचिला, भोजपुर जरायोटार लगायत प्रतिष्ठित क्लबहरुको सहभागिता रहने क्लबका खेल संयोजक फडिन्द्र जिमिले बताए । महिला सहभागी टिमहरुको भने टुङ्गो लागि नसकेको आयोजकले बताएको छ । फुटबलको फाईनल खेल न्यु युवा क्लबको खेल मैदानमा माघ एक गते हुनेछ ।
