विराटनगर । विगत ५० वर्षदेखि दन्त क्षेत्रमा क्रियाशिल दन्त चिकित्सक डाक्टर सी.पी. उपाध्याय र डाक्टर कुमकमलता दासलाई सम्मान गरिएको छ ।
नेपाल डेन्टल एसोसिएसन मोरङ शाखाले शनिबार एक कार्यक्रम गरी उनीहरुलाई सम्मान गरेको हो । डाक्टर दास भारतकी चेली हुन् । उनले नेपाललाई नै आफ्नो घर बनाएर नेपालीलाई नै सेवा दिइरहेकी छिन् ।
नेपाल मेडिकल एसोसिएसन कोशीका अध्यक्ष डाक्टर फरवाड सिलवाल र नेपाल डेन्टल एसोसिएसन मोरङकी अध्यक्ष डाक्टर प्रेक्षा दलीले दुवैजनालाई खादा तथा कदरपत्रले सम्मान गरेका हुन् ।
सबै दन्त चिकित्सकलार्इ एकै ठाउँमा भेला भएर दुइ जना दन्त चिकित्सलाई सम्मान गर्नु आफूहरुको लागि पनि प्ररेणादायी रहेको नेपाल डेन्टल एसोसिएसन मोरङकी सचिव डाक्टर मीरा आचार्यले बताइन् ।
उनले दाँत तथा मुखको समस्या हुँदा नेपाल मेडिकल काउन्सिलमा दर्ता भाएका चिकित्सकबाट मात्रै आफ्नो दाँत तथा मुखको उपचार गराउन सुझाव पनि दिइन् । कार्यक्रममा मोरङका ६० जना दन्त चिकित्सकको सहभागिता थियो ।
