काठमाडौँ । नेपाली कांग्रेसको १४ औँ महाधिवेशनमा सहमहामन्त्रीको बाँकी रहेका क्लस्टरहरुको मतगणना भइरहेको छ । कांग्रेस सहमहामन्त्रीमा विभिन्न आठ क्लस्टर छन् ।
आठमध्ये हिजो तीन वटा क्लस्टरको नतिजा आएको थियो । बाँकी रहेकाहरुको गणना अहिले चलिरहेको र आजै नतिजा आउने कांग्रेसको केन्द्रीय निर्वाचन समितिका सचिव जगन्नाथ श्रेष्ठले जानकारी दिए । अहिले मुस्लिम, मधेसी, पिछडिएको क्षेत्र, थारू, खस–आर्यतर्फका सहमहामन्त्रीको मत गणना भइरहेको हो ।
यी हरेक क्लस्टरबाट एक जना सहमहामन्त्री निर्वाचित हुनेछन् ।
उनका अनुसार आज सहमहामन्त्रीको गणना सकिने छ । त्यसपछि भोलिदेखि केन्द्रीय सदस्यको मत गणना सुरु हुनेछ ।
तस्विर : उज्यालो अनलाईन
