विराटनगर । राष्ट्रिय सौन्दर्यकर्मी यूनियन नेपाल प्रदेश १ को नयाँ नेतृत्व चयनको लागि भोली बुधबार दोस्रो अधिवेशन हुने भएको छ । कोभिड–१९ को कारण भर्चुअल माध्यमबाट हुन लागेको दोस्रो अधिवेशनले नयाँ नेतृत्व चयन गर्ने भएको हो ।
चार सयभन्दा बढी ब्यूटिसियन आवद्ध भएको उक्त यूनियनको सर्वसम्मत रूपमा नेतृत्व चयन गर्न लागि परेका छन् । यूनियनको अध्यक्षमा वर्तमान अध्यक्ष रहेकी आशा कुमारी लिम्बू माबोले पुनः दोहर्याउने भएकी छिन् । यस्तै सौन्दर्यकर्मी यूनियन प्रदेशको महासचिवमा कला डाँगीले उम्मेदवारी घोषणा गरेकी छिन् । महासंघको महासचिवमा डाँगी बाहेक अन्यले अहिलेसम्म उम्मेदवारी नदिएको बुझिएको छ ।
