इटहरी । मोरङको सुन्दरहरैचा ७ का ५०बर्षीय योगेन्द्र प्रसाद रिजालको सवारी दुर्घटनाबाट मृत्यु भएको छ ।
बिहीबार बिहान सुनसरीको भोक्राह नर्सिङ ४ चिरौली चोक स्थित राजमार्गमा पश्चिमबाट पुर्वतर्फ आउँदै गरेको प्रदेश १–०२००१ ज ३९०६ नम्बरको माईक्रो र बिपरित दिशाबाट गईरहेको को ३२ प ३९४४ नम्बरको मोटरसाईकल आपसमा ठक्कर खाई दुर्घटना भएको थियो ।
दुर्घटनामा मोटरसाईकल चालक योगेन्द्रप्रसाद रिजाल गम्भीर घाईते भई बिराटनगर स्थित न्युरो अस्पतालमा उपचार भईरहेकोमा उनको उपचारको क्रममा मृत्यु भएको जिल्ला प्रहरी कार्यालय सुनसरीले जनाएको छ । दुबै साधन र माईक्रो चालक बिराटनगर १६ का ५२ बर्षीय आयुराज लामा नियन्त्रणमा रहेको प्रहरीले जनाएको छ ।
यसैगरी सुनसरीको बराहक्षेत्र ५ बस्ने मन्जु राजधामीको ५ बर्षीय छोरा सुजन राजधामीको टिफरको ठक्करबाट मृत्यु भएको छ । हिजो बेलुका सवाँ ६ बजे राजधामी चौक स्थित सडक खण्डमा नहडाबाट कालाबन्जरतर्फ जाँदै गरेको को १ ख ५७६५ नम्बरको टिफरले बाटो क्रस गर्दै गरेका बालक सुजनलाई ठक्कर दिँदा गम्भीर घाईते भएका उनलाई थप उपचारार्थ काठमाण्डौ लैजाने क्रममा मृत्यु भएको कार्यालयले जनाएको छ ।
ठक्कर दिने टिफर र टिफर चालक प्रदिप चौधरी नियन्त्रणमा रहेको सोही कार्यालयले जनाएको छ ।
