विराटनगर । मोरङ प्रहरीले खैरो हेरोईनसहित एक जनालाई पक्राउ गरेको छ । मोरङको बेलबारी नगरपालिका – ८ का गौथली चोकका २९ वर्षीय कमान सिंह राई ब्राउन सुगर (खैरो हेरोइन) सहित पक्राउ परेका हुन् ।
प्रहरीले विराटनगर महानगरपालिका १५ चाईना मार्केट स्थितबाट १ नं. प्रदेश प्रहरी कार्यालय विराटनगरबाट खटिएको लागूऔषध ब्युरोको टोलीले राईलाई पक्राउ गरेको मोरङ प्रहरीका प्रवक्ता डिएसी मानबहादुर राईले जानकारी दिनुभयो ।
भारत जोगवनीबाट नेपालतर्फ आउदै गरेको क्रममा शंका लागी चेकजाँच गर्दा राईको साथबाट खैरो हिरोइन बरामद गरेको प्रहरीले जनाएको छ । प्रहरीले उनको साथबाट १५ ग्राम बरामद गरेको छ । प्रहरीले राईको साथबाट बरामद गरेको खैरो हिरोइन भारतको जोगवनीबाट ५० हजार खरिद गरी सेवन र विक्री गर्न ल्याएको पाइएको छ । ‘पक्राउ परेका राई सेवन कर्ता र कारोबारी रहेको पाइएको छ,’ डिएपी राईले भने ।
पक्राउ परेका राईले प्रति डोज १ हजार देखि १ लाख हजार हजार रुपैयाँसम्ममा बेच्ने गरेको प्रहरीले जनाएको छ । पक्राउ परेका राईलाई जिल्ला अदालत मोरङमा म्यात थप गरि इलका प्रहरी कार्यालय रानी विराटनगरमा राखेर अनुसन्धान गर्दै आएको डिएसपी राईले जानकारी दिए ।
