विराटनगर । विराटनगर महानगरपालिका–८ हाटखोलामा सञ्चालनमा आएको आरके सिटी सेन्टरमा उपभोक्ताहरूको भीड लागेको छ ।
गत शुक्रबारदेखि औपचारिक रूपमा सञ्चालनमा आएको सेन्टरमा अहिले उपभोक्ताको भीड लागेको हो ।
आरके सिटी सेन्टर सञ्चालमा आएको अवसरमा विभिन्न छुटसहितको योजना अगाडि ल्याएपछि उपभोक्ताको भीड लागेको सेन्टरका प्रबन्ध निर्देशक राजेश प्रसाईंले जानकारी दिनुभयो । उहाँका अनुसार सेन्टरमा अहिले दैनिक २४÷२५ लाख रूपैयाँसम्मको कारोबार हुने गरेको छ ।
दैनिक हजारांैको संख्यामा आरके सिटी सेन्टरमा उपभोक्ताहरू आउने गरेका छन् । सबैभन्दा बढी शुभराम्भ भएको दिन उपभोक्ताको भिड लागेको थियो । सेन्टरले कपडा खरिदमा १५ प्रतिशत छुटसहित थप स्किम दिएकोले कपडाको कारोबार उच्च रहेको जनाएको छ । यस्तै खाद्यान्नको पनि बिक्री राम्रो रहेको सेन्टरले जानकारी दिएको छ ।
आरके सिटी सेन्टरमा घरयासी उपभोग्य बस्तुदेखि बालवालिकालाई खेलाउने सामाग्री र स्वीमिङ्ग पुलसमेत रहेको छ । स्वीमिङ्ग पुल रूप टप एकाई बारसहितको रहेको छ । सेन्टरको भुइँतला र पहिलो तलामा ग्रोसरी आइटम, दोस्रो तलामा ‘सस्तो बजार’, तेस्रो तलामा ब्रान्डेड सामान, चौथो तलामा कस्मेटिक र होम डेकोर, पाँचौं तलामा जिम, जुम्बा र प्ले जोन तथा छैटौं र सातौं तलामा सिनेमा हल र स्विमिङ पुल रहेको छ ।
विराटनगरको आरके चिल्ड्रेन अस्पतालका सञ्चालक डा. सुवोध शर्मा र सुनिल शर्माको करिब ७० करोड लगानीमा सेन्टर सञ्चालनमा आएको हो ।
