विराटनगर । मोरङको जहदामा जारी वडाअध्यक्ष कप क्रिकेट प्रतियोगिताको सोमबार भएको खmेमा जहदा ३ र कालाबञ्जर युवा स्पोर्टिंङ क्लब बिजयी भएको छ ।
लक्ष्मीनिया युवा क्लबद्वारा आयोजना गरिएको वडाअध्यक्ष कप क्रिकेट प्रतियोगिताको तेश्रो दिन दुईवटा खेल भएको छ ।
पहिलो खेल जहदा गाउँपालिका २ र जहदा ३ बीच भएको थियो । जहदा २ ले टस जितेर ब्याटिङ गर्ने निर्णय गरेको थियो । जहदा २ ले पहिले ब्याटिङ गर्दै १३९ रन बनाउन सफल भयो भने जहदा ३ ले जहदा २ लाई अलआउट गर्न सफल भयो ।
जहदा ३ ले ब्याटिंग गर्दै १५ ओभरमै उक्त रनको लक्ष्य पार गरेको थियो । जहदा गाउँपालिका वडा नं. ३ का खेलाडीहरु २ विकेटले जित्न सफल भयो । जहदा ३ को तर्फ बाट सुमन मण्डल ६३ रन र एक विकेट लिएर म्यान अफ दि म्याच हुन सफल भए ।
सोमबारकै अर्काे खेल कदमाहा युवा स्पोर्टिंग क्लब र कालाबन्जर युवा स्पोर्टिंग क्लब भएको थियो । कालाबञ्जरले टस जितेर पहिले ब्याटिङ गर्ने निर्णय गर्दै १५८ रन बनाउन सफल भयो । कदमाहाले ब्याटिङ गर्दै अन्तिमसम्म ६२ रनमा सीमित भयो । दुबै खेलको म्यान अफ दि म्याचलाई मेडल प्रमाणपत्र र कपले सम्मानित गरिएको लक्ष्मीनिया युवा क्लबका अध्यक्ष निएशकुमार साहले जानकारी दिनुभयो ।
