गाउँसभाद्वारा राज्यमन्त्री गुरुङविरुद्ध खेद प्रस्ताव पारित

ओखलढुंगा । ओखलढुंगाको चिशंखुगढी गाउँपालिकाको गाउँसभाले प्रदेश नं. १ का भौतिक तथा पूर्वाधार राज्यमन्त्री अम्बिरबाबु गुरुङविरुद्ध खेद प्रस्ताव पारित गरेको छ ।

सोहि क्षेत्रबाट निर्वाचित प्रदेशसभा सदस्य रहेका गुरुङले गाउँपालिका र अध्यक्ष निशान्त शर्मासहित जनप्रतिनिधि विरुद्ध अमर्यादित टिप्पणी गरेको भन्दै गाउाँसभाले खेद प्रस्ताव पारित गरेको हो ।

गत माघ ३० गते चिशंखुगढी २ को खीभञ्ज्याङमा आयोजित नेकपा ओली समूहको सभामा राज्यमन्त्री गुरुङले गाउँपालिकाका जनप्रतिनिधिमाथि तथानाम गालीगलौज गरेका थिए । गाउँपालिकाको गत फागुन ७ देखि शुरू भएको आठौं गाउँसभाले वडाअध्यक्ष नरेन्द्र बस्नेतको प्रस्ताव तथा गाउँपालिकाका उपाध्यक्ष सुष्मिका राई र वडाअध्यक्ष उषक कटवालको समर्थन रहेको खेद प्रस्ताव पारित गरेको हो ।

राज्यमन्त्रीले सार्वजनिक स्थलमा कपोकल्पित र गैरजिम्मेवारीपूर्ण अभिव्यक्ति दिएको भन्दै भत्र्सनासहित खेद प्रकट गर्ने विशेष प्रस्तावलाई गाउँसभाले सर्वसम्मत पास गरेको हो ।

गाउँपालिकाको विकास निार्मण सम्बन्धमा आफ्नो निर्देशन नमानेको भन्दै राज्यमन्त्री गुरुङले सार्वजनिक रुपमा गाउँपालिकाका अध्यक्ष शर्माविरुद्ध अमर्यादित गालीगलौज गर्दै आएका छन् ।
मन्त्रीजस्तो महत्वपूर्ण जिम्मेवारीमा रहेका गुरुङले गाउँपालिकाका जनप्रतिनिधिको मर्यादा राखेर बोल्नुपर्नेमा जथाभावी बोलेको भन्दै जनप्रतिनिधिहरू आक्रोशित भएका थिए । राज्यमन्त्री गुरुङले गाउँपालिकाका अध्यक्ष शर्मालगायतका जनप्रतिनिधिले प्रदेश सरकारको बजेट भ्रष्टाचार गरेको आरोप लगाएका छन् ।

गाउँपालिकाकाका जनप्रतिनिधिले भने असार मसान्तमा जथाभावी बजेट ल्याएर कामै नगरी गुरुङले अपचलन गरेको दावी गर्दै आएका छन् । उनीहरुले राज्यमन्त्रीले लगाएको आरोप प्रमाणित गर्न चुनौति दिएका छन् ।

विकासका काममा आसेपासेले पैसा उठाएको कुरा स्थानीय जनप्रतिनिधिको जानकारीमा आएपछि त्यसलाई गाउँपालिकाको तर्फबाट रोक्नखोज्दा राज्यमन्त्री आपूmहरुमाथि खनिएको अध्यक्ष शर्माले दावी गर्नुभयो । पैसा र चाप्लुसीको आडमा मन्त्री बनेका गुरुङले अराजनीतिक र गुण्डागर्दी शैली प्रयोग गरेको भन्दै उहाँले त्यसमा आपूmहरुले प्रतिवाद गरेको बताउनुभयो ।