उर्लाबारी । मोरङको उर्लाबारीमा धिमाल विद्यार्थी छात्रवृत्ति अक्षयकोषले तीन विद्यार्थीहरुलाई छात्रवृत्ति वितरण गरेको छ ।
शनिबार उर्लाबारी–३ स्थित धिमाल जातीय विकास केन्द्र परियोजना स्थलमा आयोजना गरिएको कार्यक्रममा तीन जनालाई छात्रवृत्ति स्वरुप जनही १० हजार ५ सय रुपैयाँ प्रदान गरिएको हो ।
झापाको दमक–९ की सर्मिला धिमाल, उर्लाबारी–८ का गोकुल धिमाल र बेलबारी–९ की अन्जिता धिमाललाई छात्रवृत्ति प्रदान गरिएको कोषका संयोजक केदार धिमालले जानकारी दिनुभयो । सोही अवसरमा कोषदाता दमक निवासी रीता धिमाललाई सम्मान गरिएको छ ।
धिमाल जातीय विकास केन्द्रका केन्द्रीय अध्यक्ष तेजबहादुर धिमाल, पोखरा विश्वविद्यालयका उपप्राध्यापक सुशील अधिकारीलगायतले छात्रबृत्ति प्रदान गर्नुभएको कोषका सचिव मातृका धिमालले जानकारी दिनुभयो ।
