विराटनगर । मोरङको टंकिसिनुवरीमा रहेको नेपाल लिकर्स प्राइभेट लिमिटेड तथा गायक दिपक बज्रचार्यसंग सांगितिक सहकार्य सम्बन्धि सम्झौता भएको छ ।
विगत लामो समयदेखि गायक बज्राचार्यसंग नेपाल लिकर्सले विभिन्न कार्यक्रमको सहकार्य गर्दै आइरहेकोमा अहिले सम्झौता भएको हो ।
सामाजिक उत्तरदायित्वको निरन्तरता स्वरुप सोमबार उक्त सम्झौता गरिएको नेपाल लिकर्सका अध्यक्ष राजेशविर सिहं तुलाधरले बताउनुभयो । नेपाली संगित हाम्रो पहिचान भएकोले यसको प्रर्वद्धनका लागि गायक बज्राचार्यसंग सहकार्य गरिएको उहाँको भनाइ छ ।
वर्षैदेखि नेपालीमाझ लोकप्रिय आफ्नो ब्राण्ड रहेकोले यसलाई सांगितिक क्षेत्रले अझ उत्साहित गर्नेमा विश्वस्त रहेको कम्पनीले जनाएको छ । यसले नयाँ कलाकारलाई समेत प्रोत्साहित गर्दै आगामी दिनमा नेपाली कलाकारको उत्थानमा लागि रहने अध्यक्ष तुलाधरको भनाई छ ।
नेपाल लिकर्सले नेपालमा एन्टिकुइटी व्लू व्हिस्की, सिग्नेचर प्रिमियम व्हिस्की, सिग्नेचर रियर व्हिस्की, रोयर च्यालेन्ज व्हिस्की, व्लू रिव्याण्ड जिनको उत्पादन गर्दै आएको छ । उत्कृष्ठ कच्चापदार्थ तथा उच्च स्तरिय प्रविधीबाट अन्तराष्ट्रिय स्वाद तथा स्टान्डर्डको मदिरा नेपालमा उत्पादन गर्दै आएको कम्पनीको दावी छ ।
