विराटनगर । नेपाल आइडल सिजन ३ का फर्स्ट रनरअप किरण भुजेल र गायीका एलिना चौहानको आवाज र प्रेम घिमिरेको संगीत रहेको बहुप्रतिक्षित नयाँ गीत ‘कान्छी मट्याङ ट्याङ’ बोलको गीत रिलिज भएको छ।
गीतमा सुनिल कटुवालको शब्द रहेको छ । भने, गीत डान्सिङ प्याटर्नमा आधारित छ। गीतको भिडियोमा पछिल्लो समयका लोकप्रिय डान्सर अजय श्रीस, श्रेया सिटौला , एलिना चौहान र किरण भुजेल फिचर्ड छन् ।
किरण भुजेलकै प्रस्तुतिमा तयार भएको गीतमा नेपासिनेले सहकार्य गरेको छ । यो गीतको भिडियोलाई विधान कार्कीले निर्देशन गरेका हुन् । विधानले निर्देशन गरेका पछिल्ला भिडियोहरु चर्चामा छन् ।
भिडियोमा मनिषा थापाको कोरियोग्राफी, विकास दाहालको सम्पादन, उत्सव दाहालको छायांकन छ ।
भिडियोमा विधानले कलाकारलाई स्कुले जीवनमा फर्काएका छन् । स्कुले जीवनमा हुने चञ्चलता, प्रेमको कुरा भिडियोमा हेर्न सकिन्छ । एउटा प्रेमिल जोडीको प्रेम कथा, जसमा प्रेमीले प्रेमिका फकाउन गर्ने अनेक क्रियाकलापलाई भिडियोमा देखाइएको छ। भिडियो किरण भुजेलको अफिसियल युटुब च्यानलबाट रिलिज गरिएको हो।
