विराटनगर । मोरङ प्रहरीले विभिन्न मुद्दामा फरार रहेका व्यक्तिलाई पक्राउ गरेको छ ।
प्रहरी चौकी गछियाबाट प्रहरी सहायक निरीक्षकको कमाण्डमा खटिएको प्रहरी टोलीले लागुऔषध र चोरी मुद्दाका प्रतिवादी पक्राउ गरेको हो ।
लागुऔषध मुद्दामा २ हजार रुपैयाँ जरिवाना र चोरी मुद्दामा एक महिना कैदसहित २ लाख ७४ हजार रुपैयाँ जरिवाना तोकिएका सुन्दरहरैचा ६ कुमारचोकका २५ वर्षीय अजित श्रेष्ठलाई पक्राउ गरिएको हो ।
यस्तै मोरङकै सुन्दरहरैचा ३ का सार्वजनिक अपराध मुद्दामा २ हजार रुपैयाँ जरिवाना तोकिएका तिर्थबहादुर राई र बहुबिबाह मुद्दामा ५ हजार रुपैयाँ जरिवाना र १ वर्ष कैद तोकिएका तिर्थबहादुर राईलाई प्रहरी चौकी गछियाबाट खटिएको प्रहरी टोलीले पक्राउ गरेको छ ।
