विराटनगर । नवगठित प्रदेश नम्बर १ स्काउट तदर्थ समितिलाई मोरङ स्काउटरहरुरुले स्वागत गर्दै बधाई दिएका छन् ।
शनिवार विराटनगरको सत्यनारायण माविमा आयोजित कार्यक्रममा मोरङका स्काउटरहरुले नवगठित प्रदेश १ का स्काउट समितिलाई भव्य स्वागत गर्दै बधाइ दिएका हुन् ।
नवगठित प्रदेश समितिलाई सिनियर स्काउटर नवलप्रसाद उपाध्याले फुलमाला र अबिर लगाएर स्वागत गर्दै बधाई दिनुभयो । उहाँले नेपालमा स्काउटको भविष्यलाई चम्किलो बनाउन सबैले एक भएर हातेमालो गर्नुपर्नेमा जोड दिनुभएको थियो ।
प्रदेश १ स्काउट समितिका सल्लाकार प्रदिप विश्वासले स्काउटरहरु समाजसेवाको कर्णधार भएकोले आफनो आचारण व्यावहारमा खरो उत्रिएर जिम्मेवारी निर्वाह गर्न सुझाव दिनुभयो । नवगठित प्रदेश तदर्थ समितिका संयोजक रवि खनालले आफ्नो नेतृत्वमा स्काउटको विकासका लागि सक्रिय भएर लागिपर्ने प्रतिबद्धता व्यक्त गर्नुभयो ।
कार्यक्रममा मोरङका सक्रिय स्काउटरहरुको सहभागिता थियो । गत कात्तिक ६ गते १३ सदस्यीय प्रदेश स्काउट तदर्थ समिति गठन भएको थियो । नेपाल स्काउटमा विगत ९ वर्षदेखि आवधिक निर्वाचन हुन सकेको छैन ।
