पाँचथर । पाँचथरको फाल्गुनन्द–१, नवमीडाँडास्थित सिद्धदेवी माध्यमिक विद्यालयका प्रधानाध्यापकले यौन दुव्र्यबहार गरेको भन्दै एक छात्रले प्रहरीमा उजुरी दिएकी छन् ।
विद्यालयमा अध्ययनरत एक छात्राले प्रधानाध्यापक मोहनप्रसाद दुलालले आफ्नो संवेदनशील अंगमा हात लगाएको आरोप लगाएपछि प्रहरीले उनलाई पक्राउ गरेको छ ।
प्रधानाध्यापकबाटै छोरीमाथि यौन दुव्र्यवहार भएको भन्दै पीडित छात्राकी आमाले प्रहरीमा उजुरी दिएकी थिइन् । सोही उजुरीको आधारमा दुलाललाई पक्राउ गरिएको पाँचथर प्रहरी प्रमुख डिएसपी सिद्धराज न्यौपानेले जानकारी दिनुभयो । प्रधानाध्यापकले दुव्र्यबहार गरेको भन्दै छात्रा रुँदै–रुँदै घर आएको पीडित परिवारले जनाएको छ ।
यसअघि पनि पटक–पटक दुलालले छोरीमाथि दुव्र्यवहार गर्दै आएको छात्राकी आमाको दावी छ । घटनाको विषयमा थप अनुसन्धान भइरहेको प्रहरीले जनाएको छ ।
