विराटनगर । मोरङको बुढीगंगा गाउँपालिका–२ मा रहेको जेभियर्स ई. स्कूलले पाँचौ वार्षिकोत्सव तथा अभिभावक दिवस सम्पन्न गरेको छ ।
स्कूलकोे प्राङ्गणमा शनिबार विविध कार्यक्रम गरी वार्षिकोत्सव तथा अभिभावक दिवश मनाइएको हो ।
कार्यक्रममा स्कूलमा अध्ययनरत कक्षा नर्सरीदेखि कक्षा १० सम्मका विद्यार्थीहरुले नृत्य, गायन, नाटकलगायतको विभिन्न कार्यक्रम गरी वार्षिक उत्सवमा सहभागी अथिति, अभिभावक तथा उपस्थित सबैलाई दिनभर भरपुर मनोञ्जन दिएका थिए ।
कार्यक्रमको प्रमुख अतिथि बुढीगंगा गाउँपालिका उपाध्यक्ष अमृताकुमारी गच्छादार, अर्किड कलेजका प्रिन्सिपल दिपेश बाँस्तोला, सिटी कलेजका प्रमुख तिर्थ घिमिरे, स्कूलका प्रिन्सिपल प्ररेश पोखरेल र स्कूलका सञ्चालक जनक ढकाललगायतले बोलेका थिए । कार्यक्रम स्कूल व्यवस्थापन समितिका अध्यक्ष जितनारायण थापाको सभापतित्वमा सम्पन्न भएको थियो ।
