विराटनगर । सुनको मूल्यले दैनिक नयाँ रेकर्ड बनाउदै गएको छ । हिजो आइतबारको तुलनामा आज सोमबार प्रतितोला १२ सय रुपैयाँले सुनको मूल्य बढेको छ । सोमबार सुनको मूल्य प्रतितोला ९७ हजार ५ सय पुगेको छ । आइतबार प्रतितोला ९६ हजार तीन सयमा कारोबार भएको थियो ।
आज चाँदीको मूल्य पनि ६० रुपैयाँले बढेर १२ सय १० रुपैयाँमा पुगेको सुनचाँदी व्यवसायी महासंघले बताएको छ। आइतबार चाँदीको मूल्य ११ सय ५० रुपैयाँ थियो ।
सोमबार अन्तर्राष्ट्रिय बजारमा सुन प्रतिऔंस १९ सय ३२ अमेरिकी डलरमा कारोबार भइरहेको महासंघले जनाएको छ।
