विराटनगर । नेपालमा बिहीबार थप ४३४ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
मन्त्रालयका अनुसार योसँगै नेपालमा संक्रमितको संख्या ११ हजार १६२ पुगेको छ ।
बिहीबार देशभरबाट थप ३१२ जना कोरोना संक्रमणमुक्त भएका छन् । बिहीबार १९ महिला र २९३ पुरुषले कोरोना जितेका हुन् ।
यससँगै नेपालमा कोरोनामुक्त हुनेहरूको संख्या २ हजार ६५० पुगेको छ ।्
पछिल्लो २४ घन्टामा कोरोना संक्रमण भएका दुई जनाको मृत्यु भएको छ। पोखरा र ललितपुरमा उपचाररत दुई पुरूषको मृत्यु भएको हो। योसँगै नेपालमा कोरोना संक्रमणबाट ज्यान गुमाउनेको संख्या २६ पुगेको छ।
नेपालमा अहिलेसम्म पिसिआर मेसिनबाट १ लाख ९९ हजार ७३७ परीक्षण गरिएको छ ।
