काठमाडौं । रुपन्देहीको तिलोत्तमा १० मैनहियामा एक व्यक्तिले कोदालो प्रहार गरेर ५ जनाको बिभत्स हत्या गरेका छन् ।
गंगादेवी पशु फार्मका एक कामदारले फार्ममै कार्यरत ५ जनालाई सोमबार राति प्रहार गरेका हुन् ।
हत्या गरिएकाहरुमा माधव मुसहर, जानकी मुसहर, कोषराज मुसहर, करन चौधरी र आशिष चौधरी रहेका छन् । माधब र जानकी श्रीमान् श्रीमती भएको प्रहरीले जनाएको छ । मृतक सबैको घाँटीमा चोट छ ।
उनीहरु सबैलाई एकैठाउँमा राखेर हत्या गरिएको हुनसक्ने प्रारम्भिक अनुसन्धानमा देखिएको जिल्ला प्रहरी कार्यालय रुपन्देहीका एसपी हेमकुमार थापाले बताउनुभयो । प्रहरीले हत्याको आशंकामा सुर्खेतका करिव ३२ वर्षीय युवक झपेन्द्र सिंह सिंजालीलाई नियन्त्रणमा लिएको छ ।
स्थानीय कृष्ण पुनको भैंसीफर्ममा उनीहरूको हत्या भएको हो। हत्याको कारण खुलेको छैन ।
गाई फार्ममा ६ जना कामदार थिए । सिजापती भुसभित्र लुकेको अवस्थामा फेला परेको प्रहरीले जनाएको छ । घटनाबारे बिहानै स्थानीयले खबर दिएपछि मंगलापुर प्रहरी चौकीबाट टोली अपराधस्थलमा पुगेको थियो ।
स्रोतका अनुसार सिजापती लागू औषध दुर्व्यसनी हुन् । थप अनुसन्धान भइरहेको थापाले बताउनुभयो ।
