एजेन्सी । भारतीय अभिनेता गोवर्धन असरानीको मुम्बईको जुहूस्थित आरोग्य अस्पालमा ८४ वर्षको उमेरमा सोमबार निधन भएको छ ।
असरानी चार दिनदेखि मुम्बईको जुहूस्थित आरोग्य निधि अस्पतालमा भर्ना थिए। मुम्बईको सान्ताक्रुज क्षेत्रको शास्त्री नगरस्थित श्मशानघाटमा उनको दाहसंस्कार गरिएको छ । जहाँ परिवारका सदस्यहरू र नजिकका व्यक्तिहरू मात्रै उपस्थित थिए।
असरानीको जन्म जनवरी १, १९४१ मा जयपुरमा भएको थियो। उनले जयपुरको सेन्ट जेभियर्स स्कूलमा पढेका थिए र त्यसपछि राजस्थान कलेजबाट स्नातक गरेका थिए।
असरानीले १९६७ मा फिल्म ‘हरे काँच की चुडियाँ’ बाट बलिउडमा डेब्यू गरेका थिए। यस समयमा लोकप्रिय फिल्म निर्माता हृषिकेश मुखर्जीले उनलाई १९६९ को फिल्म ‘सत्यकाम’ मा कास्ट गरे, जसले उनलाई पहिचान दियो। त्यसपछिको सफलता १९७१ को फिल्म ‘गुड्डी’ बाट पाए। त्यसबेलादेखि उनले कहिल्यै पछाडि फर्केर हेर्नुपरेन। निरन्तर फिल्म काम पाउन थाले।
उनले अमिताभ बच्चनका धेरै फिल्महरूमा अभिनेताको भूमिका निर्वाह गरे, जस्तै ‘अभिमान’ ९१९७३० मा ‘चन्दर’ र ‘चुपके चुपके’ (१९७५) मा प्रशान्त कुमार श्रीवास्तव। ‘छोटी सी बात’ (१९७५) मा नागेश शास्त्रीको उनको भूमिका पनि कम वीरतापूर्ण थिएन।
असरानी अन्तिम पटक २०२३ मा रिलिज भएका फिल्म ननस्टप धमाल र ड्रीम गर्ल २ मा देखिएका थिए। उनी सलमान खानसँग बडीगार्ड र क्युंकी जस्ता फिल्महरूमा र अक्षय कुमारसँग दे दाना दान, खट्टा मीठा, वेलकम, भूल भुलैया र भागम भाग जस्ता फिल्महरूमा पनि देखा परेका छन्।
