विराटनगर । वरिष्ठ अधिवक्ता गजेन्द्र आचार्यले प्रदेश १ को मुख्यन्यायधिवक्ता पदमा सपथग्रहण गरेका छन् ।
प्रदेश प्रमुख परशुराम खापुङको उपस्थितिमा उच्च अदालत विराटनगरका प्रमुख न्यायधीश सत्यमोहन जोशी थारुले आचार्यलाई शपथ खुवाएका हुन् ।
विर्तामोड ५, झापा निवासी आचार्यलाई मुख्यमन्त्री हिक्मतकुमार कार्कीको सिफारिसमा प्रदेश प्रमुख खापुङले मुख्य न्यायधिवक्तामा नियुक्त गरेका थिए । आचार्यको शपथग्रहण कार्यक्रम प्रदेश प्रमुखको कार्यालय, विराटनगरमा भएको हो ।
