विराटनगर । नेपाली काँग्रेसले मोरङ ४ का लागि प्रतिनिधिसभा उम्मेद्वारमा पाँच जनाको नाम सिफारिश गरेको छ।
केन्द्रीय सदस्य भीम पराजुलीका अनुसार उनीसहित नेताहरु महेश आचार्य, गुरुराज घिमिरे, अमृत अर्याल र दिलिप गच्छदारको नाम क्षेत्रीय समितिले सिफारिश गरेको हो।
यो क्षेत्रबाट २०७४ को निर्वाचनमा वाम गठबन्धनका माओवादी उम्मेद्वार अमनलाल मोदी विजयी भएका थिए। उनले काँग्रेस नेता महेश आचार्यलाई पराजित गरेका थिए।
