काठमाडौं। काभ्रेको पाँचखाल नगरपालिकाको वडा नम्बर १३ स्थित श्रीराम माध्यमिक विद्यालय मतदान केन्द्रको मतदान स्थगित भएको छ ।
मतदान अधिकृतले धाँधली गरेको भन्दै आक्रोशित भिडले मतपेटिका र मतदान केन्द्र तोडफोड गरेपछि मतदान स्थगित गरिएको हो ।
आक्रोशित भिडले मतपेटिका, कुर्सी, टेबल लगायतका निर्वाचन सामग्रीमा तोडफोड गरेका छन् । प्रहरीले मतपत्र भने सुरक्षित राखेको जनाएको छ ।
मतदान अधिकृतले नेकपा एमालेका एक कार्यकर्तालाई १० वटा मतपत्र दिएको भन्दै सत्तारूढ दलका कार्यकर्ताहरूले विरोधमा उत्रिएका थिए । जिल्ला प्रहरी कार्यालय काभ्रेका प्रहरी प्रमुख एसपी चक्रराज जोशीले मतपत्रको विषयमा विवाद हुँदा झडप भएको बताए ।
