इटहरी । प्रहरीले सुनसरीको दुहबीबाट तास खेलिरहेका ९ जनालाई पक्राउ गरेको छ । दुहबी नगरपािलका ३ स्थित आलम हुसेनको काठ फर्निचरको कोठामा तास खेलिरहेका उनीहरुलाई पक्राउ गरेको हो ।
प्रहरीका अनुसार पक्राउ पर्नेहरुमा दुहबी ३ का ३४ वर्षीय अनिश सिंह, ४२ वर्षीय संसद मिया, ३६ वर्षीय मंगल साह, ३६ वर्षीय टेकबहादुर गिरी, ३८ वर्षीय आलम अन्सारी, ३४ वर्षीय दिपक अकेला रहेका छन् । यस्तै, ५२ वर्षीय मो.मोक्तार, ४५ वर्षीय मो.हजरत मिया र ४४ वर्षीय सन्तोष बराल रहेका छन् ।
जुवा खेलिरहेको छ भन्ने गोप्य सुचनाको आधारमा प्रहरीले फर्निचरको कोठामा छापा मारेको थियो । जिल्ला प्रहरी कार्यालय सुनसरीका अनुसार इलाका प्रहरी कार्यालय दुहबीबाट प्रहरी निरीक्षक घनेन्द्र हाङ खजुमको कमाण्डमा खटिएको टोलीले उनीहरुलाई पक्राउ गरेको जनाएको छ ।
उनीहरुको साथबाट ७७ हजार ७ सय १० रुपैयाँ र ३ बुङ तास पनि बरामद भएको छ । पक्राउ परेकाहरुलाई जिल्ला प्रशासन कार्यालय सुनसरीबाट ७ दिनको म्याद थप गरेर आवश्यक अनुसन्धान भइरहेको प्रहरीले जनाएको छ ।
