विराटनगर । २७ करोड ५५ लाख ४० हजार ९२८ रुपैयाँ लागतमा मोरङको बुढीगंगा गाउँपालिका ३ स्थित टंकीसिनवारी खानेपानी तथा सरसफाई सामुदायिक संस्था संचालनमा आएको छ । बुढिगंगा–३ नेमुवाले ३० प्रतिशत र सङ्घीय सरकारको ७० प्रतिशत लगानीमा उक्त संस्था शुक्रबारदेखि संचालनमा भएको हो ।
खानेपानी आयोजना ४५० घन मिटरको दई ट्याङी रहनुका साथै एक सय ६६ किलोमिटर पाइप विस्तारवाट सो गाउँपालिकाको वडा नं १,२,३,४,५ र ६ का दुई हजार ७१ घरधुरी स्वच्छ र गुणस्तरीय पानी प्राप्त गर्न लाभान्वित भएका छन् ।
नवनिर्मित भवनको उद्घाटन खानेपानीमन्त्री राजेन्द्रकुमार राईले गरे । उनले कार्यक्रममा बोल्दै तीन तहको सरकारले जनतालाई स्वच्छ खानेपानी पिउन पाउने अधिकारको संरक्षण गर्नुपर्ने बताए । उनले संविधान र कानूनमा भएको व्यवस्था अनुसार जनताको खानेपानीको समस्या हल गर्दै जाने बताए ।
मन्त्री राईले नागरिकको आर्थिक समृद्धिवाट मुलुकमा विकास निर्माण कार्य सुचारु एवं समयमा सम्पन्न गर्न सकिने हुनाले वर्तमान सरकारले मुलुकमा आर्थिक समृद्धि कायम गर्ने दीशातर्फ अगाडी बढनुपर्ने बताए ।
सामुदायिक संस्थाका अध्यक्ष नवराज विष्ट,खानेपानी मन्त्रालयका सचिव सुरेश आचार्य गाउँपालिकाका अध्यक्ष जीतनारायण थापा मगर, उपाध्यक्ष अमृता गच्छदार लगायतले जनसङ्ख्याको चापको वृद्धि अनुसार खानेपानीको आवश्यक्ता टड्कारो रहेको बताए ।
