विराटनगर । ललिता निवास जग्गा घोटाला प्रकरणमा दुई पूर्वप्रधानमन्त्री बाबुराम भट्टराई र माधव नेपालसँग नेपाल प्रहरीको केन्द्रीय अनुसन्धान ब्युरोले बयान लिने तयारी गरेको छ ।
सर्वोच्च अदालतले दुई पूर्वप्रधानमन्त्रीलाई पनि छानबिन गर्न आदेश दिएपछि सीआईबीले बयानका लागि बोलाउने तयारी गरेको हो ।
हाल युरोप भ्रमणमा रहेका पूर्वप्रधानमन्त्री नेपाल स्वदेश फर्किएपछि पक्राउ नगरी बयानमा बोलाउने तयारी गरेको छ ।
नेपालसँगै भट्टराईलाई पनि बयानका लागि बोलाउने तयारी गरेको हो । प्रहरी प्रधान कार्यालय उच्चस्रोतका अनुसार सरकारले पनि ललिता निवास प्रकरणमा जोडिएका दुई प्रधानमन्त्रीको संलग्नता हो होइन भनेर बयान लिन कुनै बाधा नपर्ने संकेत गरेपछि सीआईबीले बयानका लागि उनीहरूलाई बोलाउने तयारी गरेको छ ।
