विराटनगर । नेपाल राष्ट्र बैंकले आर्थिक वर्ष २०७९–८० को मौद्रिक नीतिको अर्धवार्षिक समीक्षाको लागी राय सुझाव माग गरे बमोजिम उद्योग संगठन मोरङले ३६ वटा बुँदामा उद्योग व्यवसायका सुझावहरु पेश गरेको छ । नेपाल राष्ट्र बैक, आर्थिक अनुसन्धान विभागलाई शुक्रबार एक पत्र लेख्दै संगठनले यस्तो सुझाव पठाएको हो ।
संगठनले यसअघि मौद्रिक नीति तयारीका बेला एवम् विभिन्न समयमा औद्योगिक क्षेत्रलाई सहजता पुग्ने नीति अख्तियार गर्न नेपाल राष्ट्र बैंकलाई सुझाव पठाएको थियो । ब्याजदरमा भएको निरन्तर वृद्धि, अन्तर्राष्ट्रिय बजारमा भएको अत्याधिक मूल्य वृद्धि, बढ्दो आयात, वैदेशिक व्यापार असन्तुलन जस्ता कारणहरुले गर्दा वित्तिय समस्याहरु कायमै रहेको संगठनले बताएको छ ।
त्यसैगरी चालूपँजी कर्जा निर्देशन मार्फत चालू पूँजीमा गरिएको कडाई, बजारमा देखा परेको मन्दीका कारण बजार चलायमान भइनसकेको तथा नीजि क्षेत्रले अनुमानयोग्य वित्तिय नीति एवं स्थिरता कायम गर्न गरिरहेको पैरवीका पृष्ठभूमिमा नेपाल राष्ट्र बैंकले चालू वर्षको मौद्रिक नीतिमा अर्धवार्षिक समीक्षा गरेको छ । वित्तिय असन्तुलनको अवस्था तत्कालै अन्त्य हुने संकेत नदेखिएको पृष्ठभूमिमा हुन लागेको समीक्षाले स्वदेशी उद्योग, निर्यातमुलक उद्योग तथा समग्र उत्पादनशिल क्षेत्रलाई चलायमान बनाउँदै वित्तिय सन्तुलन कायम हुने गरि ठोस नीतिगत व्यवस्था गर्न उद्योग संगठनले सुझाव प्रस्तुत गरेको जनाएको छ ।
उद्योग संगठनले दिएका ३६ सुझावहरू
