झापा । झापामा आज दिउँसो भएको सडक दुर्घटनाबाट दुई जनाको मृत्यु भएको छ ।
मृत्यु हुनेमा शिवसाताक्षी नगरपालिका–४ का २७ बर्षीय सरोज कार्की र बाह्रदशी गाउँपालिका–५ कनकनका ४३ बर्षीया कलसावती राजबंशी रहेका छन् ।
प्रदेश प्रहरी कार्यालयका अनुसार कमल गाउँपालिका–१ बालुबारी स्थित क्याम्पा सरङपाडा स्थितमा पौने १० बजे ना १ त ६१६५ नम्बरको ट्रिपरले बिपरित दिशाबाट आउँदै गरेको मे ३ प ३७४७ नम्बरको मोटरसाईकललाई ठक्कर दिँदा मोटरसाईकल चालक कार्कीको घटनास्थलमै मृत्यु भएको हो ।
त्यस्तै झापा बाह्रदशी गाऊपालिका–५ कनकन मार्गस्थितमा आज साढे १ बजे मे ११ प ८४५१ नम्बरको स्कुटी आफैं अनियन्त्रित भई दुर्घट्ना हुँदा चालक राजबंशी घाइते भएका थिए । उनको बिएण्डसी अस्पतालमा उपचारको क्रममा दिउँसो सभा २ बजे मृत्यु भएको प्रहरीले जनाएको छ ।
