विराटनगर । विश्वमा कोरोना भाइरसबाट संक्रमित हुनेको संख्या २ करोड नाघेको छ । अहिलेसम्म २ करोड २३ हजार ५२२ जना भाइरसबाट संक्रमित भइसकेका छन् । पछिल्लो २४ घण्टामा मात्र विश्वमा २ लाख १९ हजार बढीमा नयाँ संक्रमण पुष्टि भएको छ ।
कोरोना संक्रमणका कारण अहिलेसम्म ७ लाख ३३ हजार ९९५ जनाको मृत्यु भइसकेको छ । यस संक्रमणबाट सबैभन्दा धेरै अमेरिकामा र त्यसपछि ब्राजिलमा मानिसहरुको मृत्यु भएको छ ।
संक्रमितमध्ये १ करोड २८ लाख ९६ हजार ८ सय ९५ जना उपचारपछि घर फर्किएका छन् भने ६३ लाख भन्दा धेरै एक्टिभ संक्रमित छन् । ६४ हजार ६ सय ६६ जनाको अवस्था भने गम्भीर छ ।
