आजदेखि नेकपाको सन्देश सभा, कहिले –कहाँ ?

विराटनगर । आजदेखी नेपाली कम्युनिष्ट पार्टी (नेकपा)ले देशैभर प्रदेशमा एकता सन्देश सभा सुरु गर्दै छ । आज धनगढीमा पहिलो सन्देशसभा हुँदै छ । पार्टीका संयोजक पुष्पकमल दाहाल ‘प्रचण्ड’ र सह–संयोजक माधवकुमार नेपालसहितका नेताहरु शुक्रबार धनगढी पुगेका छन् ।
अन्य प्रदेशमा पनि सभा गर्नेगरी यसअघि नै नेकपाले तालिका सार्वजनिक गरिसकेको छ ।
कहिले कहाँ हुँदै छ सभा ?
लुम्बिनी प्रदेश – मंसिर १३ गते, बाँकेको बेउखुरी
गण्डकी प्रदेश – मंसिर १४ गते, पोखरा
कोशी प्रदेश – मंसिर १५ गते, विराटनगर
उपत्यका विशेष प्रदेश – मंसिर १७ गते, काठमाडौं
कर्णाली प्रदेश – मंसिर १८ गते, सुर्खेत
संघीय सम्पर्क समन्वय प्रदेश – मंसिर १९ गते, काठमाडौं
मधेश प्रदेश – मंसिर २० गते, जनकपुर
प्रवासी प्रदेशहरू – मंसिर २१ गते, नेपाली समय अनुसार बेलुकी ६ बजे संयुक्त भर्चुअल कार्यक्रम
बागमती प्रदेश – मंसिर २३ गते, हेटौंडा
उक्त पार्टीकाअनुसार मंसिर २६ गतेसम्म प्रदेश कार्यालयको निर्णयअनुसार सबै जिल्लामा एकता सन्देश सभा हुनेछ। मंसिर २९ गते देशभरका सबै स्थानीय पालिकामा एकैदिन सन्देश सभा आयोजना गरिनेछ।