विराटनगर । कोशी, प्रदेशको एक–दुई स्थानमा वर्षा भइरहेको छ ।
आज दिउँसो देशभर आंशिकदेखि साधरणतया बदली रहनेछ । दिउँसो कोशी, गण्डकी, लुम्बिनी र सुदूरपश्चिमका केही स्थान र बाँकी प्रदेशका थोरै स्थानमा चट्याङसहित हल्कादेखि मध्यम वर्षाको सम्भावना रहेको मौसम पूर्वानुमान महाशाखाले जनाएको छ ।
कोशीका एक–दुई स्थानमा धेरै वर्षाको पनि सम्भावना छ। देशको उच्च पहाडी तथा हिमाली भूभागका थोरै स्थानमा हल्का वर्षासहित हिमपातको सम्भावना रहेको छ।
आज राति कोशी, मधेश र बागमतीका केही स्थान, गण्डकी र लुम्बिनीका थोरै स्थान तथा बाँकी पहाडी भूभागको एक–दुई स्थानमा चट्याङसहित हल्कादेखि मध्यम वर्षाको सम्भावना छ । कोशी र मधेशका एक–दुई स्थानमा धेरै वर्षाको पनि सम्भावना रहेको छ।
हाल देशको पश्चिम र मध्य भूभागमा पश्चिमी वायु तथा स्थानीय वायुको प्रभाव रहेको छ भने कोशी प्रदेशका अधिकांश भूभागमा मनसुनी वायुको प्रभाव रहेको महाशाखाले जनाएको छ ।
यस वर्षको मनसुन गत बिहीबार रातीबाट नेपालको पूर्वबाट प्रवेश गरी कोशी प्रदेशका अधिकांश भू–भागमा विस्तार भएको छ।
रौतहटसहित विभिन्न जिल्लामा वर्षा भइरहेको र पानी पार्ने प्रणाली उत्तर(पूर्व सरिरहेकाले होसियारी अपनाउन महाशाखाले सुझाव दिएको छ ।
हाल जनकपुर, महोत्तरी, रौतहट, सिराहा, धनुषा, सप्तरी, सुनसरी, मोरङ, रामेछाप, सोलुखुम्बु आसपासका ठाउँहरूमा मेघगर्जन÷ चट्याङसहित हल्कादेखि मध्यम पानी परिरहेको छ।
