विराटनगर । धनकुटाको दुई वटा सामुदायिक बनमा आगो लागेको छ । धनकुटा नगरपालिका–५ स्थित बडहरे सामुदायिक बन र वडा नं. ७ मा चुली बनमा आगो लागेको हो ।
बिहीबार दिउँसोबाट सुरु भएको आगो अझै नियन्त्रण हुन सकेको छैन । आगो बढ्दै गएकाले जलाधार क्षेत्रमा रहेको बस्ती जोखिममा रहेको जिल्ला प्रहरी कार्यालय धनकुटाका प्रहरी नयाँ उपरीक्षक ओम प्रकाश खनालले बताए । खनालका अनुसार यो बस्ती जंगलबाट दुई अढाई सय मिटर पर रहेको छ ।
नेपाल प्रहरी, सशस्त्र प्रहरी र स्थानीयबासीले आगो नियन्त्रणको प्रयास जारी राखेका छन्।
सडक नहुँदा दमकल आगलागी क्षेत्रमा पुग्न नसकेको प्रहरीले जनाएको छ । आगलागीको कारण भने खुल्न नसकेको प्रहरीले जनाएको छ ।
