बिराटनगर । कोशी प्रदेशसभाका सदस्य जीवन आचार्यले आफ्नो निर्बाचन क्षेत्रमा पर्ने मोरङको बुढिगङ्गा गाउपालिकाका स्थानीयलाई चिसोबाट बच्न कम्बल बितरण गरेका छन् ।
मोरङ क्षेत्र न. ६(१) बाट निर्बाचित आचार्यले क्षेत्रका निमुखा नागरिकलाई चिसोमा राहत स्वरुप कम्बल वितरण गरेका हुन् ।
बढ्दो चिसो मौसम लाइ मध्यनजर गर्दै आफ्नो निर्वाचन क्षेत्र अन्तर्गत बुढिगङ्गा ७ का १२५ नागरिकहरुलाई कम्बल बितरण गरेको उनले जानकारी दिए । आफुले पाउने पारिश्रमिकबाट कम्बल बितरण गरेको उनको भनाई छ ।
यो अभियान क्षेत्रभरीका सबै वडाहरुमा निरन्तरता रहने आचार्यका सहयोगी कपिल सुनारले जानकारी दिएका छन् ।
