काठमाडौं । सरकारले सिंहदरबारमा भाडाका सवारी साधनलाई प्रवेश गर्न दिने भएको छ ।
अपांग र अशक्त नागरिकलाई सहज रूपमा सिंहदरबार प्रवेशका लागि व्यवस्था मिलाइएको श्रम, रोजगार तथा सामाजिक सुरक्षामन्त्री डोलप्रसाद अर्यालले बताए । भोलिदेखि अपांग र अशक्त नागरिकलाई सहज रूपमा सिंहदरबार प्रवेश गर्न दिइने उनले बताए ।
यसअघि सरकारी, निजी, कूटनीतिक र पर्यटक सवारी साधन मात्रै सिंहदरबारमा प्रवेश पाउँदै आएका थिए ।
सरकारले सुरक्षा संवेदनशीलतालाई ध्यान दिँदै भाडाका गाडीलाई सिंहदरबार प्रवेशमा रोक लगाउँदै आएको थियो अपांग र अशक्त नागरिकलाई राज्यले उपलब्ध गराएको परिचयपत्रका आधारमा सुरक्षाकर्मीले उनीहरू सवार भाडाका गाडीलाई सहज रूपमा सिंहदरबार प्रवेश गराउने उनले बताए।
